By: وشمہ خان وشمہ
گُلشن میں جوانی ہے ، تماشا سا لگا ہے
کیا رات کی رانی ہے، تماشا سا لگا ہے
اک عمر گزاری ہے ترے درد نگر میں
چاہت کی نشانی ہے ، تماشا سا لگا ہے
باغوں کی فضاؤں میں یہ کیوں زرد ہے موسم
جب رات سہانی ہے ، تماشا سا لگا ہے
اچھا نہیں لگتا ابھی گاؤں سے پلٹنا
موسم میں جَولانی ہے تماشا سا لگا ہے
جاتی ہوں کئی بار میں شب چاند کے اُس پار
اک یاد پرانی ہے ، تماشا سا لگا ہے
دیکھا ہے بھرے شہر میں ہر موڑ پہ وشمہ
یادوں کی کہانی ہے ، تماشا سا لگا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?