By: Shams Bhopali
کھول کر دل ملا کرے کوئی
ہم سے کیوں فاصلہ کرے کوئی
ترکِ الفت میں درد ہوتا ہے
سوچ کر فیصلہ کرے کوئی
کوئے قاتل میں سیر ممکن ہے
ہاں مگر حوصلہ کرے کوئی
عمر بھر ہم نے سبکو لوٹا ہے
کیوں ہمارا بھلا کرے کوئی
ناز ہے ہم غلامَ احمدہیں
گر ہے ظالم، ہؤا کرے کوئی
سر پٹکتے رہیں گے ہم تب تک
جب تلک در نہ وا کرے کوئی
عادتاً شمع ہم جلاتے ہیں
اب تو آکے ہوا کرے کوئی
آئے افلاس کے مرض میں کمی
کاش ایسی دوا کرے کوئی
مجھ تلک ہے رسائ گر مقصد
نقشِ پا، رہنما کرے کوئی
اسکی فطرت میں بے ایمانی ہے
شمسؔ فطرت کو کیا کرے کوئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?