By: azharm
آزمانے آئے گا بس دل جلانے آئے گا
میری شائد ہی سنے کچھ،بس سنانے آئے گا
کہہ گیا تھا، اب نہ آوں گا، کبھی ملنے تُجھے
جانتا ہوں آئے گا، گرچہ ستانے آئے گا
سو رہا ہوں تو جگا کر پوچھتا ہے، سو گئے؟
اور چھل اپنا ہے سونا، کہ جگانے آئے گا
اُس کو ازبر ہیں کئی قصے محبت کے مگر
وہ بھلا کر اپنی الفت کےفسانے آئے گا
ہو بھی لوں ناراض، لیکن کچھ تو مجھ کو آس ہو
رنجشیں ساری بھلا کر وہ منانے آئے گا
روز ملتا ہے نئے حیلے سے وہ اظہر تجھے
آج بھی جانے وہ کیسے، کس بہانے آئے گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?