By: اتباف ابرک
ٹوٹی پھوٹی تباہ مل جائے
کوئی جینے کی راہ مل جائے
مان لوں گا کہ جی رہا ہوں میں
ایک بھی گر گواہ مل جائے
کچھ ہماری بھی راہ روشن ہو
آپ سے گر نگاہ مل جائے
ہائے کیا خوش نصیب لوگ ہیں وہ
چاہ کو جن کی چاہ مل جائے
گفتگو جستجو کریں، شاید
کوئی وجہِ نباہ مل جائے
یا محبت ملے یا پھر ابرک
ہم کو اس سے پناہ مل جائے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?