By: Azra Naz
کیا بھروسہ ہے زندگانی کا
آدمی بلبلہ ہے پانی کا
کھل گیا سب پہ حالِ غم میرا
فایدہ کیا تھا رازدانی کا ؟
پورا پیری میں ہی ہوا آخر
خواب دیکھا ہوا جوانی کا
لکھ دیا درد میرے چہرے پر
ہو بھلا تیری اِس نشانی کا
دِل کی دنیا میں تو اندھیرا ہے
کیا کروں ایسی ضو فشانی کا ؟
میں نے اُس کو بھلا دیا عذراؔ
دُوسرا رخ ہے یہ کہانی کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?