By: Azra Naz
رنجشیں مِٹ بھی گیںٔ تو کچھ گلہ رہ جاۓ گا
میرے اُس کے درمیاں اِک فاصلہ رہ جاۓ گا
رفتہ رفتہ بھولُ جاؤں گی اُسے میں ایک دِن
یاد کا باقی مگر کچھ سلسلہ رہ جاۓ گا
یہ مسافر دو گھڑی بس سوُۓ منزل ہیں رواں
سب چلے جایںٔ گے خالی راستہ رہ جاۓ گا
یونہی گر اِک دوسرے سے پھر بچھڑ جایںٔ گے ہم
ہو کے پھر کویٔ نہ کویٔ حادثہ رہ جاۓ گا
برگ ہوجایںٔ گے اِک دِن شاخ سے اپنی جدُا
راہ میں بوڑھا شجر تنہا کھڑا رہ جاۓ گا
قربتیں آجایںٔ گی جب فاصلوں کی قید میں
عکس مِٹ جایںٔ گے لیکن آیٔنٔہ رہ جاۓ گا
ہر طرف جب آندھیاں محشر بپا کر جایںٔ گی
چار سوُ پھر وحشتوں کا دایرٔہ رہ جاۓ گا
اُن کے خط کا آسرا عذراؔ اگر جاتا رہا
پھر ہمارے درمیاں کیا رابطہ رہ جاۓ گا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?