By: وکاس شرما راز
ہوا کے ساتھ یاری ہو گئی ہے
دیے کی عمر لمبی ہو گئی ہے
فقط زنجیر بدلی جا رہی تھی
میں سمجھا تھا رہائی ہو گئی ہے
بچی ہے جو دھنک اس کا کروں کیا
تری تصویر پوری ہو گئی ہے
ہمارے درمیاں جو اٹھ رہی تھی
وہ اک دیوار پوری ہو گئی ہے
قریب آ تو گیا ہے چاند میرے
مگر ہر چیز دھندلی ہو گئی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?