By: Yasmeen Sehar
اپنی دستار مرے پاؤں میں دھرنے والے
سر مرا لیں گے محبت مجھے کرنے والے
یہ فراغت کی گھڑی روز دلاتی ہے یاد
زندگی سے جو مجھے کام ہیں پڑنے والے
موت کا نام ہی سن کر جو سہم جاتے تھے
اب قیامت چلی آئے .....نہیں ڈرنے والے
زندگی پھر سے نمک ان پہ چھڑک جاتی ہے
زخم ہوتے ہیں جو کچھ روز میں بھرنے والے
خوب صورت سے مناظر میں نمایاں جو رہے
پھول ہیں ہم بھی وہی شاخوں سے جھڑنے والے
پڑھنے والا کوئی اک آدھ نظر آئے مجھے
میں بھی حالات لکھوں خود پہ گزرنے والے
وقت کے ہاتھوں مرے کاندھوں پہ چڑھ بیٹھے ہیں
اور کچھ دیر میں جو پاؤں تھے پڑنے والے
زندگی موت کے ہاتھوں میں وہی دے گئے ہیں
یاسمیں لوگ مرے نام پہ مرنے والے
بک گئے وہ بھی سحر ردی کے بھاؤ میں آج
خط کئی خاص تھے جو بارہا پڑھنے والے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?