By: Shafiq Murad
کوئی موضوعِ گفتگو نہ رہا
تو ہی جب میرے روبرو نہ رہا
تب ملا ہے کہیں مزاج شناس
دل میں جب شوقِ جستجو نہ رہا
درد پتوں میں چھپ گیا ہے کہیں
ساز کوئی بھی ہو بہو نہ رہا
کرچیاں تو سمیٹ لیں میں نے
آئینہ میرے روبرو نہ رہا
تھک گئی ہیں سماعتیں بھی مری
اس کا لہجہ بھی مشک بُو نہ رہا
حسن اس کا بھی ڈھل گیا آخر
عشق میرا بھی تُند خو نہ رہا
گرد اتری مسافتوں کی مرادؔ
پہلے جیسا وہ خوبرو نہ رہا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?