By: Azra Naz
وقت سب کے چہرے پر نقش چھوڑ جاتا ہے
زندگی کی دھارا کو پل میں موڑ جاتا ہے
بات جب وہ کرتا ہے مجھ سے دُور جانے کی
جِسم سے مرے جیسے خوں نچوڑ جاتا ہے
آینۓ کو دیکھا تو آج میں نے سوچا ہے
وقت کِتنی تیزی سے آگے دوڑ جاتا ہے
روز ہی بناتے ہیں ریت کے گھروندے ہم
روز ہی اُنھیں کویٔ توڑ پھوڑ جاتا ہے
جب بھی عہد کرتے ہیں اُس کو بھوُل جانے کا
سلسلہ وہ یادوں کا پھر سے جوڑ جاتا ہے
ہاتھ صرِف آ تی ہے گردِ کارواں عذراؔ
کارواں کِسی کو جب پیچھے چھوڑ جاتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?