By: UA
بہاریں لوٹ آئیں گی بہاریں لوٹ آئیں گی
نہ غم کر اے دل ناداں بہاریں لوٹ آئیں گی
ابھی کچھ دن خزاؤں کا اثر باقی رہے گا پھر
وہی نغمے وہی بلبل بہاریں لوٹ آئیں گی
نہ غم کر اے میرے بلبل چمن پھر لہلہائے گا
گلستاں میں وہی محبوب گل پھر مسکرائے گا
پرندے چہچہائیں گے ہوائیں گنگنائیں گی
بہاریں لوٹ آئیں گی بہاریں لوٹ آئیں گی
خزائیں رقص کرتی ہیں ابھی تو کیا ہوا آخر
دوبارہ مسکرائیں گی بہاریں لوٹ آئیں گی
ہوائیں جھوم اٹھیں گی یہ نظارے مسکرائیں گے
فضائیں گنگنائیں گی بہاریں لوٹ آئیں گی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?