By: Dr.Zahid Sheikh
لڑکا
۔۔۔۔۔۔۔۔۔۔۔
ناز و انداز میں ڈوبی ہے ہر اک شوخ ادا
حسن پہ تیرے مری جان مرا دل ہے فدا
دور ہے مجھ سے تو بے چین بہت رہتا ہوں
آہ بھرتا ہوں ترے غم میں ، غزل کہتا ہوں
تیری تصویر نگاہوں میں بسی رہتی ہے
تیری ہی یاد کے دھاروں میں سدا بہتا ہوں
تیری الفت کی برستی ہے ہر اک لمحہ گھٹا
حسن پہ تیرے مری جان مرا دل ہے فدا
لڑکی
۔۔۔۔۔۔۔۔۔۔۔۔
مجھ کو بھاتی ہے ترے پیار کی رنگین ادا
آگئی پاس ترے تجھ پہ ہوا دل یہ فدا
دنیا والوں سے کبھی بھی نہ ڈریں ہم دونوں
ہاتھ میں ہاتھ لیے پیار کریں ہم دونوں
کچھ بھی ہو جائیں محبت نہ کبھی کم ہو صنم
جیتے جی ساتھ رہیں، ساتھ مریں ہم دونوں
خوش نصیبی ہے مری مجھ کو ترا ساتھ ملا
آ گئی پاس ترے تجھ پہ ہوا دل یہ فدا
لڑکا
۔۔۔۔۔۔۔
نازو انداز میں ڈوبی ہے ہر اک شوخ ادا
حسن پہ تیرے مری جان مرا دل ہے فدا
لڑکی
۔۔۔۔۔۔۔۔۔
مجھ کو بھاتی ہے ترے پیار کی رنگین ادا
آ گئی پاس ترے تجھ پہ ہوا دل یہ فدا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?