By: Usman Tarar
زندگی مجھے آزمائے جا رہی ہے
اور موت قریب آئے جا رہی ہے
زرد پتوں پہ کوئی چل رہا ہے
یا خزاں انہیں رُلائے جا رہی ہے
ڈار سے بچھڑی ہوئی کونج
اندھیرے میں کُرلائے جا رہی ہے
گھنی چھاؤں سے ڈر لگ رہا ہے
دھوپ ہے کہ کھائے جا رہی ہے
میٹھی میٹھی، بھینی بھینی سی برسات
تشنگی کو بڑھائے جا رہی ہے
منصفوں کی قلم ہے یا کوئی تلوار
بس سروں کو گرائے جا رہی ہے
منڈیر سے گرا کے بجھے چراغوں کو
عثمان ہوا دشمنی نبھائے جا رہی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?