By: Azra Naz
رب جانڑے اوہ کہیڑا پل سی
میرے نال توں کیتی گل سی
اج توں ای میرا سبھ کجھ ایں
بیت گیا جو میرا کل سی
اِک دوجے توں وکھ ہو جاندے
ایس مسئلے دا ایہو حل سی
جس نوں قسمت کہندا سی اوہ
اوہدی کرنی دا ای پھل سی
مینوں سچا لگدا سیں پر
دل وچ اڑیا تیرے چھل سی
جندڑی نوں گلزار کرن دا
تیرے کول تے ہر اِک ول سی
دھسدی جاندی ساں جس اندر
درد وچھوڑا اوہ دلدل سی
دل دا ذکر کراں کیہہ عذراَ
دل میرا وڈا پاغل سی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?