By: Dr.Muhammed Husain Mushahid Razvi
خدایا ! چشمِ طلب کو جہاں نمائی دے
جہاں سے دیکھوں مدینہ مجھے دکھائی دے
خدایا ! اور کوئی غم نہ ہوگا پھر مجھ کو
نبی کے غم سے نہ مجھ کو کبھی رہائی دے
ہم عاصیوں کو شفاعت کا مژدہ مل جاے
نہ نجدیوں کی طرح ہم کو پارسائی دے
جو دُور ہوگئے سنت سے اور شریعت سے
خدا ! تُو ان کو رہِ حق کی آشنائی دے
پھرے مُشاہدِؔ خستہ یہ دربدر کب تک
اِسے بھی فُرقتِ طیبہ سے اب رہائی دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?