By: Ishraq Jamal Ashar Chishti
سنتے نہیں تھانے میں کسی کی وہ گزارش
چلتی ہے فقط قائد اعظم کی سفارش
گر جیب میں کاغذ کا بڑا نوٹ نہ ہو تو
چھترول کی ہوتی ہے بڑی زور کی بارش
گنجا کوئی دیکھوں جو چمکتے ہوئے سر کا
ہاتھوں میں مچل اٹھتی ہے میرے بڑی خارش
اطبائے قدیمی کی دواؤں کا ہے شُہرہ
ملتی ہے مریضوں کو یہاں انکی جوارش
پڑھ کر میرا مکتوب حلق پھاڑ کے بولا
پوری نہیں ہوگی یہ کبھی تیری خواہش
بھائی نے گلا کاٹا ہے بھائی کا یہاں پر
پوری ہوئی دشمن کی وہ تقسیم کی سازش
جس نے مجھے دھوکے سے پھنسایا ہے یہاں پر
کہتا ہے وہ مجھ پر ہے بڑی اسکی نوازش
پہلے ہی جو کنجوس ہو تنگ قلب و نظر ہو
کیونکر وہ کریگا یہاں اشہر کی ستائش
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?