By: muhammad nawaz
لا ابالی ہی رہو خون سکھایا نہ کرو
ہر سنی بات کو سینے سے لگایا نہ کرو
ابھی تو آئے ،ذرا ٹھہرے اور چل بھی دئے
وقت پہ اس طرح احسان جتایا نہ کرو
وحشتیں ٹوٹ برستی ہیں حسن والوں پر
آئینہ ان کو سر شام دکھایا نہ کرو
پھر کہیں یہ نہ ہو کہ ٹوٹ کے بکھرو تنہا
اس قدر خواب بھی پلکوں پہ سجایا نہ کرو
صاف لفظوں میں کہو مجھ سے محبت ہے تمہیں
بات کو یونہی میری جان ! گھمایا نہ کرو
دیکھنا اس سے بھی فطرت میں خلل پڑتا ہے
تتلیاں پھول کے پہلو سے اڑایا نہ کرو
آس کی ڈور سے قائم ہے آرزو کا بھرم
روزن وقت پہ چلمن تو گرایا نہ کرو
جانتا ہوں کہ وہ سینے پہ مونگ دلتے ہیں
چھیڑ کر بات رقیبوں کی ہنسایا نہ کرو
پھوٹ پڑتا ہے دباؤ سے شوق کا لاوا
محرم راز سے اقرار چھپایا نہ کرو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?