By: muhammad nawaz
کیسا شکوہ ہے شکایت کیسی
درد نہ ہو تو محبت کیسی
تیرا احساس ہے میری طاقت
ورنہ الفاظ میں ہمت کیسی
ایک کل کے تمام حصے ہیں
اپنے ہی جزو سے نفرت کیسی
مول جذبوں کا کہاں ہوتا ہے
آپ کا مال ہے قیمت کیسی
عشق میں معجزے ہی معجزے ہیں
ہل گئے عرش تو حیرت کیسی
زندگی واہ تیری آئینہ گری
عکس ہی عکس ہے صورت کیسی
فرق ہے عشق اور عقیدت میں
فرض پہ نفل کی نیت کیسی
کچھ تو ہو گا ناں میرے پیش نظر
بنا مقصد کے بغاوت کیسی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?