By: عبدالحفیظ اثر
مالک ہے ایک سب کا اس کو ہی پوجناہے
اُس کے سِوا کسی کو بالکل نہ پوچھنا ہے
ہر شے کا وہ ہے خالق ہر شے پہ وہ ہے قادر
نہ اس کو نیند آتی نہ اس کو اونگھناہے
سب کی سمجھ سے باہر کاریگری ہے اُس کی
اس سے کبھی نہ اپنا ناطہ ہی ٹوٹنا ہے
اٌس کا کرم جو ہو تو لگ جائے پار کشتی
اٌس کا کرم نہ ہو تو ساحل پہ ڈوبنا ہے
اٌس سے ہی آس اپنی سب سے ہی یاس اپنی
اُس کی ہی رحمتوں کو ہر آن لوٹنا ہے
مرنا کسی کا جینا سب فیصلے اٌسی کے
ہر فیصلے پہ اُس کے ہم کو نہ اوبنا ہے
ہر کام اثر کا بھی اُس کے ہی تو ہے تابع
اُس کا کرم ہو شامل تو پھلنا ہے پھولنا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?