By: انعم نقوی
تم سے مری محبت کبھی بے سبب نہیں
شدت بھی ہے جنوں بھی ہے پر بے ادب نہیں
افسوس کیا کریں گے بیتے ماہ و سال کا
اس پہ لٹائی زندگی جس کو طلب نہیں
ہرپل میں مسکراؤ تو ہردن ہوعیدکا
کیاہے اگر حاصل ہمیں تیرا قرب نہیں
کٹتا ہے دن جیسے کہ صدیوں کا بوجھ ہو
خالی تری یادوں سے مری کوئی شب نہیں
جس پل میں چاہوں دیکھنا پر دیکھ نہ سکوں
یہ عشق کی کاری مرے دل پہ ضرب نہیں
خلوت ہو یا محفل کوئی ہر پل تمہیں سوچوں
پھر بھی نہ آؤ سامنے کیا یہ کرب نہیں
راہوں سے پوچھتی ہوں پتا تیرے آنے کا
پھر انتظار ہی رہا آئے تم جب نہیں
کچھ لوگ تو طعنوں سے ہیں کرتے جگر پارہ
پھر کیسے کہہ دوں دنیا زبانِ چرب نہیں
یہ کہہ کے چھوڑتے ہیں غریبوں کو جہاں میں
چاہت توہے مگر یہ مرے ہم نسب نہیں
انعم خیالوں میں ہے بسا چاند سا چہرہ
جس کی طلب میں وللہ تڑپتے ہم کب نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?