By: Dr.Muhammed Husain Mushahid Razvi
دل کی دنیا اُنکی یادوں سے سنوارا کرتے ہیں
اپنی عمرِ مختصر ہم اُن پہ وارا کرتے ہیں
چلتے پھرتے بیٹھتے اُٹھتے مدد کے واسطے
ہر گھڑی ہم ’’یارسول اللہ‘‘ پکارا کرتے ہیں
ہر مصیبت، ہر بلا سے، جلد ملتی ہے نجات
’’یا حبیب اللہ انظرنا‘‘ پکارا کرتے ہیں
چاند شق ہوتا ہے اور منکر کا منہ فق ہوتا ہے
جونہی اس کی سمت انگلی سے اشارا کرتے ہیں
اے مُشاہدؔ یہ رضا کا فیض ہی تو ہم پہ ہے
راز وہ حُبِّ نبی کے آشکارا کرتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?