By: shazia mashkoor
معاف کرنا کسی کو دل سے آسان نہیں ہوتا
گر،یہ اُس رب ِذوالجلال کا فرمان نہیں ہوتا
نفرت اور حسد سے پاک دلوں میں لوگوں
نور بستا ہے فقط، کبھی شیطان نہیں ہوتا
سپرد کردیتا ہے جو سجدوں میں حاجتیں اپنی
دل اُسکا کسی صورت پھر پریشان نہیں ہوتا
ویراں ہیں مساجد اور بازار میں ہجوم
کیسا مسلماں ہے تو کہ پشیماں نہیں ہوتا
خواب میں ہو میسر وصل نبیؐ جسکا مقدر
جنت کا پھر اس دل میں ارمان نہیں ہوتا
وہ مجھ کو بھول کرغیروں میں گم رہے
اس سلوک ناروا پہ اب، میں حیران نہیں ہوتا
چار سو ہیں نعمتیں پھر بھی ہیں شکایتیں
مطمئن کسی صورت یہ انسان نہیں ہوتا
معاف کرنا کسی کو دل سے آسان نہیں ہوتا
گر،یہ اُس رب ِذوالجلال کا فرمان نہیں ہوتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?