By: Ghulam Mujtaba Haashmi Yaasir Al Barkaati
گر نہیں ہے خلوص طاعت میں
فائدہ کیا ہے پھر عبادت میں
خدمتِ خلق کا نہیں جذبہ
کیا ملے گا تمہیں ریاضت میں
زندگی کا یہی تو حاصل ہے
زیست گزرے گی صرف چاہت میں
بعد مرنے کے حال کیا ہوگا
سوچ لو یہ بھی تم فراغت میں
خود کو بدلو ، جہاں کو مت دیکھو
گزرے کیوں زندگی شکایت میں
دل دکھایا کسی کا گر تم نے
عمر بیتے گی پھر ندامت میں
ظلم سہہ لو جہاں کے پر یاسرؔ
دوریاں ہوں نہ کچھ قرابت میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?