By: ward bazmi
تاریکی میں روشنی ستارہ
احساسِ خوش آگہی ستارہ
آنکھوں میں ہےآسمانِ حیرت
باندھے ہے جو ٹکٹکی ستارہ
چھوٹے گا کمانِ کہکشاں سے
سوچے گا جو خود کشی ستارہ
چندا تو نہ بولے چاندنی سے
دیکھے ہے یہ خامشی ستارہ
افلاک پہ کچھ بدل بھی دیتا
سن لیتا جو ان کہی ستارہ
بس رات سے صبح تک جیے گا
صرف اتنی ہے زندگی ستارہ
ٹوٹا ہے اس آسماں سے شاید
اخلاص کا آخری ستارہ
کرتا ہے کشید وَرۡد ہی سے
دیتا ہے جو تازگی ستارہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?