By: وشمہ خان وشمہ
میری آنکھوں میں جو نمی کر لی
اس محبت میں تو کمی کر لی
کتنا مشکل ہے جان سے جانا
کتنی مشکل یہ زندگی کر لی
دونوں مضطر ہیں حالتِ غم میں
دل کی ہلچل میں بیکلی کر لی
چاند! جانے کی بات رہنے دو
شب کے پہلو میں دلکشی کر لی
میری سنگت ہیں یاد کے لشکر
یادِ جاناں سے دل لگی کر لی
جس نے پوچھا نہیں تھا حال مرا
مجھ کو کہتا ہے عاشقی کر لی
پھر وہ اترے گا دل کے آنگن میں
وشمہ آنکھوں میں روشنی کر لی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?