By: S.M. Akhtar malik
جاں پہ اک قرض تھا اتار گیا
زندگی تجھ سے میں تو ہار گیا
اے عروس خیال یہ تو بتا
کون گیسو ترے سنوار گیا
جب سے الجھا ترے خیالوں میں
رات دن کا مرے شمار گیا
دید اسکی نہ آج ہو پائی
آج کا دن بھی سوگوار گیا
ظلم صیاد کا ذرا دیکھو
تیر سینے کے آرپار گیا
اس کو حاصل کوئی دوام نہیں
گل کی ہستی کا اعتبار گیا
اسکی جھولی میں پھول تھے سارے
مجھ کو اختر جو دے کے خار گیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?