By: Muhammad Nawaz Tabassum
کہندے لوکی گھر دے اندر
جا نماز دی ھونی چاھی دی
اِک کونے وچ پاک صاف
تَے دھونی چاھی دی
میں کہنا واں دل وی گھر اے
اس دے اندر جا نماز دی
ھونی چاہی دی دھونی چاہی دی
جد مسجد نوں تالا لگ جائے
گھر دے وچ وی جا نھ لھبے
نھ ھووے کوئی سجے کھبے
تے فیر ایداں کرنا چاھی دا
دل دی جا نماز دے اُتے
کَھل کے نیت نمازاں لیے
رب سوھنے نوں دل دی کہیے
جِنی لمی سورت پڑھیے
جِنی واری مرضی اڑیے
اُچا نِیواں جِداں پڑھیے
نھ ای کوئی اَگوں لنگے
نھ کوئی بُھل جان تے کھنگے
جنے لمے سجدے کر لو
جھولی نال مُراداں بھر لو
اِک اِک لمحہ اِک اِک صدی
آپ امام آپے مقتدی
آو سجنوں سارے مل کے
دل اپنے دا اِک اِک کونہ
نال ندامت اتھرو دھوئے
اَوکھے سوکھے ویلے دے وِچ
اوتھے جا کے حاضر ھویے
رب دے اگے کلیاں روئیے
اوہ سوھنا اتھرو دا قدری
کرے قبول بندے دا رونا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?