By: Dr. Muhammed Husain Mushahid Razvi
مرید آپ کے صف بہ صف غوثِ اعظم
پھرے دہر میں جاں بکف غوثِ اعظم
نہیں منحصر کچھ عرب اور عجم تک
ہے ذکر آپ کا ہر طرف غوثِ اعظم
ہے مرقوم ، کرتے تھے بے حد تمہارا
ادب صالحین سلَف غوثِ اعظم
خدا نے رکھا آپ کے جدِّ اعلا
علی ، یعنی شاہِ نجف غوثِ اعظم
کھٹکتی ہے بس اُن کو عظمت تمہاری
ہیں ایمان جن کے تلَف غوثِ اعظم
غلامی تمہاری گدائی تمہاری
ہمارے لیے ہے تُحف غوثِ اعظم
ہوا وہ نہ حاصل کسی بھی ولی کو
جو حاصل ہے تم کو شرَف غوثِ اعظم
بہ پاسِ ادب سب نے گردن جھکالی
نبی کے ہوئے جب خلَف غوثِ اعظم
مُشاہدؔ کے دل میں بھی جو حسرتیں ہیں
وہ ہیں آپ پر منکشف غوثِ اعظم
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?