By: NEHAL INAYAT GILL
کیوے بھلاواں پیار ماں ترا
غصے وچ وی پیار بٹیرا
کِناں سی سوہنا بچن میرا
جدوں سی ساڈا کچا ویڑا
جیدے وچ میں ڈِگدا ٹیندا
ماں ساں ترے لاگے رہندا
فکراں دے وچ چلی ھو ھو
چُپ کراؤندی مینوں رو رو
سَٹ جے کر لگ جاندی سی
اَکھ ماں تری وگ جاندی سی
ساری دیہاڑی چُک کے رکھدی
پیاراں دے وچ کھُٹ کے رکھدی
گرم ہوا نہ لگن دیندی
متھا چُم کے جد ساں کہندی
میرا لعل میری اَکھ دا تارا
چن توں تو سوہنا جگ تو پیارا
کِنے لاڈ لاڈاؤندی ساں تُوں
بُرکھیاں آپ کھاواندی ساں تُوں
اپنی بھُکھ نُوں پاسے رکھ کے
ہونٹاں اُتے ہاسے رکھ کے
سارے دُکھرے جڑ جاندی ساں
بُرکھیاں آپ کھاواندی ساں تُوں
اپنی بھُکھ نُوں پاسے رکھ کے
ہونٹاں اُتے ہاسے رکھ کے
سارے دُکھرے جڑ جاندی ساں
سو سو واری مر جاندی ساں
کردا پہیاں اے دل اج میرا
مُکھرا ویکھا رج رج تیرا
دل کردا گوڈی وچ سواں
لگ کے سینے نال میں رواں
کجھ وس وچ ہوے ایسا کردا
تارے ترے ماں قدمی ٹردا
چن نُوں ترے سر تے سجا کے
کراں عبادت میں رب بنا کے
زندگی دے ماہ و سال جو لنگن
ماں ترے نال نال جو لنگن
بس ایوں حیاتی نوال ہوے گی
نہالؔ دی جان نہال ہوے گی
میں لا نہیں سکدا ڈُلار دا صدقہ
ماں رانیے ترے پیار دا صدقہ
ماں رانیے ترے پیار دا صدقہ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?