By: muhammad nawaz
کس طرح درد کو قرار آئے
دشمن جاں تجھی پہ پیار آئے
میرے غم کا خراج لے جانا
جب کبھی لوٹ کر بہار آئے
زندگی ہم ترے بہانے سے
موت کے قرض بھی اتار آئے
سامنا تیرا اور دعا لب پر
کاش یہ حشر بار بار آئے
پھر رہے ہیں ابھی مداروں میں
کون جانے کہاں قرار آئے
اے زمانے بموجب وحشت
چل ترا حسن تو نکھار آئے
آئے تیمار دار سارے حزیں
آپ پھولوں کا لے کے ہار آئے
یاد کے اشک ہیں اے ہم نفسو
کیسے کرنا انہیں شمار آئے
آپکا اذن سر چشم نواز
پوچھئے دل کہاں پہ ہار آئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?