By: Habib Jalib
لوک گیتوں کا نگر یاد آیا
آج پردیس میں گھر یاد آیا
جب چلے آئے چمن زار سے ہم
التفاتِ گُلِ تر یاد آیا
تیری بیگانہ نگاہی سرِ شام
یہ ستم تابہ سحر یاد آیا
ہم زمانے کا ستم بھول گئے
جب ترا لطفِ نظر یاد آیا
تو بھی مسرور تھا اُس شب سرِ بزم
اپنے شعروں کا اثر یاد آیا
پھر ہوا دردِ تمنّا بیدار
پھر دلِ خاک بسر یاد آیا
ہم جسے بھول چُکے تھے جالب
پھر وہی راہ گزر یاد آی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?