By: Dr. Muhammed Husain Mushahid Razvi
قلم میں تاب کیا کہ لکھ سکوں سرکار کی مدحت
بہ فضلِ رب زباں پر ہے شہِ ابرار کی مدحت
جہانِ فکر و فن اُن کا نکھر جائے سنور جائے
کہ جو کرتے ہیں ان کی زلفِ خوشبو دار کی مدحت
دلِ ظلمت زَدا میں نور کا سیلِ رواں اُترے
زباں کرنے لگے جب چہرۂ انوار کی مدحت
لحد اُن کی معطر ہو ، معنبر ہو ، منور ہو
کہ جو کرتے رہیں عرقِ تنِ سرکار کی مدحت
مُشاہدؔ اِک نہ اِک دن روضۂ سرکار دیکھے گا
کیے جا ہر نفَس اُمّت کے اُس غم خوار کی مدحت
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?