By: M Usman Jamaie
وہی ہیں لفظ معتبر
تم پہ جو لکھے گئے
ہیں شعر میرے وہ امر
تم پہ جو کہے گئے
مری تمام شاعری
فقط تمھارے نام ہے
یہ لفظ ہیں مرے کہاں
تمھارے ہی تو نین نقش ہیں
ہیں جلوے سب تمھارے یہ
سبھی تمھارے کے عکس ہیں
وہ دل پذیر، دل نشیں
ہے جس سے یہ سخن حسیں
وہ چشمِ بے مثال جب
اُٹھی تو شعر ہوگیا
سیاہ شب سے بال جب
کُھلے تو شعر ہوگیا
وہ ہونٹ مسکرائے تو
غزل کا سلسلہ چلا
گلاب گال جب ہوئے
سخن کا قافلہ چلا
ہوئی تم اُداس جب
تو میرے لفظ رودیے
ہنسی، جو تمھارے،لب پھول
شعروں میں پِرو دیے
ہے تمھاری شوخیوں سے
میری نظم میں شگفتگی
تمہیں سے میرے شعر
میری شاعری کی زندگی
تم اپنے تاروں سے دمکتے نینوں سے،جو دیکھ لو
تو میری شاعری کا ہو مزاج آسمان پر
نظر جو تم نے پھیر لی
مرے کلام سے کبھی
تو بے وقعت مرا سخن
مرا کلام بے ثمر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?