By: muhammad nawaz
لمحوں کا کوئی کھیل حشر سے جدا نہیں
لیکن ہوس کو اس سے کوئی واسطہ نہیں
بیٹھے ہیں ناگ باغ کے ہر ایک نخل پر
انکے زہر سے پھول کوئی بھی بچا نہیں
سونامی ہو سیلاب ہو یا مد و جزر ہو
لہروں میں انقلاب کی کوئی صدا نہیں
آتے ہیں کہیں اور سے احکام اتر کر
منصف کے پاس اپنا کوئی فیصلہ نہیں
جاری ہے زور شور سے یہ کھیل جبر کا
فرعون کی اولاد کو خوف خدا نہیں
کھاتی ہیں نوچ نوچ کے انساں کی ہڈیاں
چیلوں کی ٹولیوں سے کوئی ماورا نہیں
آتے ہیں سبھی بھیس بدل کر میدان میں
باسی پھلوں کی منڈی میں تازہ ہوا نہیں
عورت کا احترام نہ چادر کا التزام
چنگیزیت کا دور ہے دل میں حیا نہیں
اپنوں کا خون چوستی جونکیں ہزار ہا
دکھ درد کوئی ایک گھڑی پوچھتا نہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?