By: munazza naseer
یہ مانا کہ امیر شہرغاصب ہے
یہ مانا کہ امیر شہر نے تمیارا حق دبایا ہے
مگر یہ بھی تو سوچو تم
کہ اس شہر کے باسی
نجانے کتنی صدیوں سے
نجانے کتنے قرنوں سے
امیر شہر کی بد عہدی کے ستائے ہیں
کبھی اس شہر کے لوگوں کے چہروں کو
ذرا تم غور سے دیکھو
جہاں مایوسیوں نے گھر بنائے ہیں
ان آنکھوں میں جھانکو تم
جن میں خوف نے ڈیرے جمائے ہیں
ایسے میں ان کے بچوں کو
پہاڑی بھول بھلیوں میں
بھٹکا کر بھلا کیا پاؤ گے تم
انہیں آزاد کر دو
انہیں آزاد کر دو
ہاں اگر تم کر سکو تو
اپنی بانسری کے سر کی سچائی کو پھر سے آزماؤ
کوئی ایسی دھن بجاؤ
جو امیر شہر کا دل موم کر دے
یا اسے مغلوب کر دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?