By: Naveed Ahmed Shakir
چہرا نہیں ملتا شناسا اب کوئی
ہم بھی کریں کس سے تقاضا اب کوئی
دل تو وہی ہے لوگ اُن جیسے کہاں
ممکن نہیں پھر سے تماشا اب کوئی
مل تو سہی مدت سے گم ہوں سوچ میں
کرنا ہے تجھ سے اک گلہ سا اب کوئی
منسوب تھا تجھ سے تو میرا نام تھا
قائل نہیں میری وفاکا اب کوئی
حسرت ہماری ایک تھی ساری عمر
اک دوسری کیوں ہو تمنا اب کوئی
تم ساتھ دینا کچھ قدم اے زندگی
منزل کی جانب ہے روانہ اب کوئی
اُس ہاتھ میں کوئی شفا باقی نہیں
جو تم کہو ڈھونڈیں مسیحا اب کوئی
شاکر نگاہیں منتظر تو ہیں بہت
کر دے مِرے غم کا مداوا اب کوئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?