By: Munir Anwar .. منیرانور
مناظر ، شہر ، قصبے اجنبی ہیں
تخاطب ، لفظ ، لہجے اجنبی ہیں
یہ کیسی بے مروت سرزمیں ہے
یہاں سب کے رویے اجنبی ہیں
سمندر لگ رہا ہے اپنا اپنا
مگر اس کے جزیرے اجنبی ہیں
زمانے ہو گئے ہیں ساتھ رہتے
مگر ہم پھر بھی کتنے اجنبی ہیں
وہی الفاظ ہیں مانوس سارے
مگر مفہوم اب کے اجنبی ہیں
لکیریں اپنے ہاتھوں کی پریشاں
مقدر کے ستارے اجنبی ہیں
ہوئی منزل گریزاں جب سے انور
زمیں ناراض ، رستے اجنبی ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?