By: Akhtar Muslimi
دل میرا اگر رفتہ رفتہ مانوسِ ستم ہوجاتا ہے
یہ حسن جفا دیکھو اس کا مائل بہ کرم ہوجاتا ہے
ہم اُن سے شکایت کیا کرتے روداد شبِ غم کیا کہتے
آتے ہی زباں تک شکرِ کرم ہر شکوئہ غم ہوجاتا ہے
اللہ رے دل بیداد پسند اس درجہ ستم کا خوگر ہے
ہوتا ہے فسردہ جب کوئی مائل بہ کرم ہوجاتا ہے
تم ہو کہ ہے اپنوں پر بھی ستم میں ہوں کہ ہے میرا یہ عالم
دشمن پہ بھی ہو بیداد اگر دل وقفِ الم ہوجاتا ہے
جب وجہِ سکونِ دل ہے یہی اخترؔ تو مداویٰ کیا معنی
دل اور تڑپنے لگتا ہے کچھ درد جو کم ہوجاتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?