By: صوفی شاعر حضرت غلام حضور شاہ
غم فکر رہ نہ کوئی جے کر دیویں توں دلاسا
پیا پانی زم زم والا میں ہاں صدیاں توں پیاسا
ویکھ کے پٹھے سدھے رنگ دنیا دے آوے ہاسا
سچ جھوٹ دا فرق رہیا نہ کائی تولیوں بن گیا ماسا
سجن کوئی نہ مدد کر دا اوکھے ویلے دے جاندے جھاسا
جس نال کرو پیار محبت اوڑک نوں مل لیندا بھارا پاسا
درد غماں دیاں پنڈاں آپوں چائیے سر تے بنہ مڑاسا
دنیا والے درد غماں وچ توں ایویں بیٹھا ایں ہراسا
دنیا والے لالچ چھڈ دے پھڑ پی صبر دا کاسا
مدد شاہ علی کرسی اوہ کد ویکھدا ہولا بھارا پاسا
اڑیاں توں بچدا رہویں سوچدا رہویں مار کے پاسا
گل میری نوں نہ ایویں سٹیں نہ جانیں ایہہ کوئی ہاسا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?