By: وشمہ خان وشمہ
کیسے زندہ ہوں اس زمانے میں
خامشی ہے نگار خانے میں
دل کے موتی کو چور کر ڈالا
غم کا تحفہ ملا خزانے میں
شہر جاناں سے دوستی نہ رہے
آج حسرت ہے دل دوانے میں
ایک ہم کو نہ مل سکی جنت
تیری قدرت کے کارخانے میں
میں نے اپنی گزار دی ہے حیات
عشق صاحب کے آستانے میں
ساری دنیا یہ میرا گھر ہے اگر
کیا قباحت ہے دل لگانے میں
عشق کربل ہے روشنی وشمہ
عزمِ شبیر ہے فسانے میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?