By: Anwar Kazimi
جب تجھے خواب کے پردے میں چھپا دیکھتے ہیں
چاند تاروں سے در و باَم سجا دیکھتے ہیں
ہے یہ اعجا ز کہ اب موند کر آ نکھیں اپنی
ہم بدلتے ہوئے موسم کی اداَ دیکھتے ہیں
آس بندھ جاتی ہے سب کو ترِے لوٹ آنے کی
لوگ جب بھی مرِا دروازہ کھلا دیکھتے ہیں
مجھ میں جی بھر کے خرابی ہے مگر کیا کیجئے
دیکھنے والے مجھے اچھا بھلا دیکھتے ہیں
اے زمیں ماں ترِی عظمت کی نشانی کو سلام
آسماں کو ترے قدموں میں جھکا دیکھتے ہیں
کچھ تو فرمائیے انور جی بھلا آٹھوں پہر
آپ یوں غور سے آ ئینے میں کیا دیکھتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?