By: dr.zahid sheikh
دنیا میں جو جنت ہے وہاںآگ لگی ہے
پھولوں کے تبسم پہ فقط آہ سجی ہے
کشمیر کہ ہر ایک کلی خوں میں رنگی ہے
کس جرم کی دیتے ہو سزا یہ تو بتاؤ ؟
انساں ہو تو انسان کو اتنا نہ ستاؤ
کشمیر ہے جنت اسے مقتل نہ بناؤ
اس حسن کی وادی میں برستے ہوئے گولے
ہر سمت ، ہر اک گام بھڑکتے ہوئے شعلے
اس ظلم پہ خاموش ہیں سب ، کوئ تو بولے
ماں باپ ہیں،بیٹی ہے ، یہ بھائ و بہن ہیں
جینے کی سزا ان کے لیے دار و رسن ہیں
گر جسم پہ کپڑے ہیں تو بس خونی کفن ہیں
معصوم مسلمان اذیت سے ہیں دوچار
کشمیر کی وادی ہے کہ ہے ظلم کا بازار ؟
اب ختم بھی کر ظلم و ستم ہند کی سرکار
کشمیر ہے جنت اسے مقتل نہ بناؤ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?