By: امن چاند پوری
اس کے اتنے قریب ہیں ہم تو
اب تو خود کے رقیب ہیں ہم تو
شعر کہتے ہیں چھوڑ کر سب کام
یار سچ مچ عجیب ہیں ہم تو
یہ دعا ہے نواز دے یا رب
علم و فن سے غریب ہیں ہم تو
ابن مریم سے اپنا رشتہ ہے
آشنائے صلیب ہے ہم تو
اب تلک عشق سے ہے محرومی
اب تلک بد نصیب ہیں ہم تو
ہم تو شاعر ہیں اے امنؔ گویا
اس صدی کے ادیب ہیں ہم تو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?