By: Arib Hashmi
یہ جو دیوار پہ ۔ ۔ ۔ ۔ ۔ ۔ ۔تصویر لگا رکھی ہے
جیسے کمرے میں پری کوئی بٹھا رکھی ہے
میرے ہر شعر پہ ہی داد مجھے ملتی ہے
تم نے بس ایک غزل سر پہ اٹھا رکھی ہے
جانے کب تو بھی گزر جائے ہمیں علم نہ ہو
اس لیئے گھر کی یہ دیوار گرا رکھی ہے
میں تجھے زندگی کہتا تھا تجھے یاد نہیں
زندگی اب بھی تو سینے سے لگا رکھی ہے
میں تو ہر بار ہی بازی کو پلٹ دیتا ہوں
وہ جلاتا ہے دیئے میں نے ہوا رکھی ہے
تھا بہت شوق سنورنے کا ۔ ۔ ۔ ۔ اسے تو آرب
کیا ہے حالت یہ جو اب اس نے بنا رکھی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?