By: Ghulam Mujtaba Haashmi Yaasir Al Barkaati
ترا قرب اگر میں پاتا تو کچھ اور بات ہوتی
ترے دل میں گھر بناتا تو کچھ اور بات ہوتی
چمنِ جہاں میں پھر سے ہے بہار لوٹ آئی
گر تو بھی لوٹ آتا تو کچھ اور بات ہوتی
شب و روز کٹ رہے ہیں غمِ روزگار میں ہی
غمِ یار گر ستاتا تو کچھ اور بات ہوتی
نہ جہاں میں عام ہوتے یہ تری جفا کے قصے
تو عہد اگر نبھاتا تو کچھ اور بات ہوتی
تری بے رخی کے صدقے مرے ہر نفس میں تجھ کو
میں اگر شریک پاتا تو کچھ اور بات ہوتی
میری منتظر نگاہیں رہِ یار پر ہیں یاسر
وہ جو اک جھلک دکھاتا تو کچھ اور بات ہوتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?