By: نوید رزاق بٹ
اِس دیس کے باسی کہتے ہیں
ہے دوش ہمارا کیا بابا؟
پامال ہوئیں سب قندیلیں
!ظلمت میں گزارہ کیا بابا
آ دیکھ ذرا یاں سُولی پر
لٹکی ہے صداقت نگر نگر
جس دیس میں باطل طاقتور
!واں سچ کا سہارا کیا بابا
اِس دیس کے باسی کہتے ہیں
ہے دوش ہمارا کیا بابا؟
جب عدل نہ ہو ایوانوں میں
ماؤں کی دعائیں کیا حاصل؟
ہاتھوں کی لکیریں کیا معنی ؟
!قسمت کا ستارہ کیا بابا
اِس دیس کے باسی کہتے ہیں
ہے دوش ہمارا کیا بابا؟
*چند ایماندار صحافیوں کے اغوا اور قتل پر۔
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?