By: Ishraq Jamal Ashar Chishti
نفرت زدہ الفاظ میں پیغام دیا ہے
آہوں میں سسکتا ہوا انجام دیا ہے
گونگے نہیں خاموش ہیں کمزور نہ سمجھو
کیوں ہم کو یہ ذلت بھرا دشنام دیا ہے
خوشیوں کے اجالے کی سحر ہم نے عطا کی
کیوں ہم کو اندھیروں کا یہاں بام دیا ہے
نظروں میں حقارت کا زہر بھر کے وطن میں
خیرات میں کوٹے کا ہمیں جام دیا ہے
بے نام و نشاں قوم کو پہنچاں عطا کی
پھر بھی ہمیں تحقیر زدہ نام دیا ہے
تم ہم کو ستاتے ہوئے یہ بھول چکے ہو
ہم نے تمہیں تکلیف میں آرام دیا ہے
الله کی رحمت کا شکر کیسے ادا ہو
سرکار کے صدقے ہمیں اسلام دیا ہے
سینچا ہے لہو دے کہ اشہر ہم نے یہ گلشن
غداری کا پھر بھی ہمیں الزام دیا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?