By: Shaheen Mughal
آنسوؤں کے جو مری آنکھ سے دھارے نکلے
زخم سینے میں تھے جتنے وہ ہمارے نکلے
تم لب بام کھڑے تھے تو یہ محسوس ہوا
تری محفل سے سبھی کرب کے مارے نکلے۔
باندھ رکھا ہمیں دریا کی کئی موجوں نے
اتنے کم ظرف بھی کیوں تیرے کنارے نکلے
چاند جب صحن تخیل میں کبھی اترا ہے
میری آنکھوں سے محبت کے ستارے نکلے
ہم نے اس دل کے سوا چین بھی کھو یا اپنا
کتنے احسان میرے دل پہ تمہارے نکلے
صرف میں ہی نہیں حیرت میں ہے آئینہ بھی
مرے اندر سے سبھی عکس تمہارے نکلے
مرے ہاتھوں میں محبت کی لکیریں ہی، نہیں
ایسی حالت میں سبھی دوش ہمارے نکلے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?