By: نادیہ عنبر لودھی
سب فرضی باتیں ہیں
قصے ہیں کہانیاں ہیں
خون کا اثر تربیت سے زیادہ ہوتا ہے
یہ طے شدہ نتیجہ ہے
تاریخ ہمیشہ خود کو دہراتی ہے
تربیت مات نہیں دے سکتی فطرت کو
شفقت نہیں بدل سکتی خون کے اثر کو
نیک نیتی سے کی گئی نیکیاں
کبھی کبھی آزمائش بن جایا کرتی ہیں
خود کو مسلماں کہتے ہو
تو راضی برضا کیوں نہیں ہوتے
قرآن پڑ ھتے ہو
پھر رب کے فیصلے سے ٹکراتے ہو
جو فرض تم کو سونپا نہیں گیا چنا نہیں گیا
کیوں اس کا بار اٹھاتے ہو
اپنی ناقص عقل عقل کُل سے صلیب مقدر سے ٹکراتے ہو
حلال ، حرام برابر نہیں ہو سکتے
لے پالک بچے تمہاری ولدیت کے ساجھی نہیں بن سکتے
انہیں یتیم خانوں میں رہنے دو
مت توڑا ان کے ننھے دل
ان کے کمزور وجود کھلونا نہیں
یہ انسان ہیں
انسان کے گناہ کا حصہ نہیں
یہ خود گناہ گار نہیں ہیں
ناجائز بچے معاشرہ جائز نہیں کرتا
ان کو ان کی دنیا میں رہنے دو
بے خبری کی رو میں بہنے دو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?