By: muhammad nawaz
نظر کا تیر وحشت میں اتر جاتا تو کیا ہوتا
دھڑکتا دل کسی ساعت ٹھہر جاتا تو کیا ہوتا
سسکتا راز جو تم نے چھپا رکھا ہے سینے میں
ذرا سوچو تو پلکوں پر بکھر جاتا تو کیا ہوتا
غضب ڈھاتی ہے جسکی سادگی اہل بہاراں پر
ستارے سوچتے ہیں وہ سنور جاتا تو کیا ہوتا
کسی کی یاد کے صدقے اجالے رقص کرتے ہیں
اندھیرا سوچ کو ویران کر جاتا تو کیا ہوتا
ابھی تک تشنگی مخمور کر دیتی ہے سانسوں کو
وہ ساغر دید کے جلووں سے بھر جاتا تو کیا ہوتا
لکیریں ڈھونڈتیں کیسے تمناؤں کی وادی کو
نصیبہ اپنے لکھے سے مکر جاتا تو کیا ہوتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?